O obxecto desta instrución é desenvolver o criterio de interpretación sobre o réxime de autorizacións en materia de protección do patrimonio cultural. Dunha forma concreta, que actuacións sobre bens inmobles protexidos, e mais nos seus contornos de protección ou zonas de amortecemento, non requiren da autorización previa da Consellería de Cultura, por non suporen afección ningunha nin poren en risco os valores culturais protexidos.

Esta instrución aplicarase para identificar as intervencións que non precisan dunha autorización previa en materia de patrimonio cultural en bens inmobles protexidos polo seu valor cultural.

Desenvolvese ista instrucción diferenciando si a actuación é nos bens inmobles protexidos polo seu valor cultural, nos contornos de protección ó nas zonas de amortecemento.

Tamén, nas intervencións de mantemento que teñen un carácter continuo ou periódico, deberá avaliarse a posibilidade de establecer ou requirir a elaboración dun protocolo ou proxecto de mantemento proporcionado á previsión das intervencións ou aos especiais valores culturais do ben. Unha vez autorizado un protocolo de mantemento, a realización das operacións que o desenvolvan ao longo do tempo e ata que sexa necesaria a súa revisión, tampouco precisen de posteriores autorizacións.

Ainda esta instrución non ten os efectos propios dunha norma xurídica de natureza regulamentaria, considérase necesaria a súa publicación para que todos poidan coñecer os criterios que seguirá a Consellaría de Cultura nesta materia, en prol dunha maior transparencia na xestión administrativa e da seguridade xurídica.